ज्ञान प्रबोधिनीने स्वतःसमोर राष्ट्रघडणीचे मोठे आणि व्यापक ध्येय ठेवले आहे. त्यामुळे राष्ट्रजीवनाच्या विविध अंगांनी इथे काम केले जाते, त्यांना कार्य दिशा असे म्हटले आहे. सध्या अशा एकूण अकरा दिशांनी काम चालू आहे. कार्यप्रधान कार्यदिशा देशाच्या विकासात थेट योगदान देतात तर उद्दिष्टप्रधान कार्यदिशा व्यक्ती आणि समाज घडवण्याचे काम करतात. प्रबोधिनीच्या वेगवेगळ्या केंद्रांवर आणि विभागांत एकाच कार्य दिशेने काम करणारे सदस्य अनुभवांची देवाणघेवाण करण्यासाठी आणि पुढील कामाची दिशा ठरवण्यासाठी नियमित एकत्र चर्चा करतात.