जीवनदृष्टी आणि जीवनपद्धती यांना मिळून आज संस्कृती असा शब्द वापरतात. पूर्वीच्या काळी भारतीय भाषांमध्ये संस्कृती हा शब्द वापरात नव्हता. त्याऐवजी धर्म हा शब्द आपण बापरायचो. समाजाची धारणा करणारा म्हणजे समाजाला एकसंध व प्रगतिशील ठेवणारा तो धर्म, अशी धर्माची व्याख्या आहे. निश्चित जीवनदृष्टी आणि त्यानुसार बनलेली जीवनपद्धती असेल तरच समाजाची धारणा होते. म्हणजे समाजातील सर्व व्यवस्था उत्तम चालतात आणि समाजाची प्रगती होत जाते. जेव्हा आपण हिंदू धर्म असा शब्द वापरतो, तेव्हा त्यामध्ये भारतीय संस्कृती आणि व्यवहार्य अध्यात्म अशा दोन गोष्टी येतात. भारतीय संस्कृतीची दृष्टी अशी आहे, की निसर्गाच्या सर्व शक्तींवर विजय मिळवण्याचा प्रयत्न करावा.